«Համախմբում» շարժման անդամ, պատմաբան Մենուա Սողոմոնյանի գրառումը. «Հայ ժողովրդին հրամցնում են կեղծ թեզ, իբրև թե ողջ աշխարհը կողմ է Արցախի՝ Ադրբեջանի մաս դառնալուն։
Հայ ժողովրդին փորձում են ներշնչել անելանելիության զգացում։ Հայ ժողովրդին փորձում են վախեցնել պատերազմով։
Հայ ժողովուրդն ունի բարձր արժանապատվություն։ Հայ ժողովուրդը չի ուզում հանձնվել։ Հայ ժողովուրդը հասնելու է Արցախի ինքնորոշման իրավունքի միջազգային ճանաչմանը։ Հետագայում Արցախը վերամիավորվելու է Հայաստանի Հանրապետության հետ։
Հայ ժողովուրդը ներքևից վերև պարտադրելու է իր այս կամքը՝ առաջին հերթին քրեորեն պատժելով այն պաշտոնյային, ով Հայաստանի Հանրապետության անունից Արցախը կճանաչի Ադրբեջանի մաս։
Հայաքվե նախաձեռնությունը հասնելու է նրան, որ այդ պատիժն ամրագրվի ՀՀ քրեական օրենսգրքում»: