+26 °C, +14 °C ... +26 °C Վաղը`+27 °C
Լոռու մարզի Դեբեդ գյուղի խաղահրապարակում, ինչպես արդեն հայտնել ենք, երկու օր առաջ ողբերգական դեպք է տեղի ունեցել․ 11-ամյա աղջիկը խաղալիս դիպել է հոսանքալարին ու տեղում մահացել։ «Ֆակտոր»-ի հետ զրույցում գյուղի բնակիչ Քրիստինե Ղազարյանը պատմել է, որ սկզբից չեն հասկացել՝ մահացած է, թե ոչ․ «Որպես առաջին օգնություն՝ սիրտը մերսեցինք, երեխու աչքերը բաց էին, մտածում էինք՝ ուղղակի գիտակցությունն է կորցրել, հետո շտապօգնության մեքենան տարավ։ Հետո իմացանք, որ երեխան տեղում մահացած է եղել»։ Դեբետի վարչական ղեկավար Անուշ Սարգսյանի վարկածով՝ տարածքն անվտանգ է եղել, երեխան ինքն է հեռացրել հոսանքալարի մեկուսիչ ժապավենը։ Նա, միաժամանակ, նշում է՝ իրենք չեն էլ իմացել, որ հոսանքալարի վրա միայն այդ ժապավենն է եղել, եթե նկատած լինեին, թերությունը կվերացնեին։ Այս տարածքը համայնքապետարանի վերահսկողության տակ է, խաղահրապարակը, սակայն, էլեկտրականության հարցով պատասխանատու-սպասարկող չի ունեցել։ 11-ամյա երեխայի մահվան դեպքով անզգուշությամբ կյանքից զրկելու հոդվածով նախաձեռնվել է քրեական վարույթ։ Նշանակել են դատաբժշկական և դատաէլետրատեխնիկական փորձաքննություններ, նախաքննությունը շարունակվում է։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am