Համացանցում լուրեր են տարածվում, որ Ստեփանակերտում պայթել է բենզինի ցիստեռն, կան բազմաթիվ զոհեր ու ծանր վիրավորներ: ՄԱՄՈՒԼ.ամ-ի խմբագրությունը կապ է հաստատել Ստեփանակերտի հետ, որտեղից հաստատել են պայթյունի փաստն ու նշել, որ զոհեր ու վիրավորներ կան, բայց ստույգ թիվ նշել չեն կարող: Ստեփանակերտի հիվանդանոցում մնացած սակավաթիվ բուժանձնակազմը կոչ է արել քաղաքում մնացած մարդկանց հասնել օգնության, որովհետև իրենց ուժերը չեն բավականացնում վիրավորներին բուժօգնություն տրամադրելու համար: «Շատ ուժգին կայծակներ են եղել, գուցե և կայծակի հարվածից է պայթել»,- ենթադրել է մեր զրուցակիցը: Մանրամասների մասին կտեղեկացնենք հավելյալ: