ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
-5 °C, -5 °C ... +8 °C Վաղը`+9 °C
Ռուսաստանի դաշնային խորհրդի փոխխոսնակ Յուրի Վորոբյովը` Հռոմի ստատուտի վավերացման մասին
14:48, 03.10.2023 | mamul.am
8676 | 2

Հայաստանի խորհրդարանի կողմից Միջազգային քրեական դատարանի Հռոմի ստատուտի վավերացումը չի ոչնչացնի Ռուսաստանի և Հայաստանի ժողովուրդների դարավոր բարեկամությունը, նման կարծիք է հայտնել Դաշնության խորհրդի փոխխոսնակ Յուրի Վորոբյովը։

Սակայն նման որոշումը ոչ բարեկամական քայլ է Ռուսաստանի նախագահ Վլադիմիր Պուտինի նկատմամբ, ընդգծել է նա Telegram-ի իր ալիքում։

«Վստահ եմ, որ ոչ մի ուժ չի կարողանա քանդել ռուս և հայ ժողովուրդների դարավոր բարեկամությունը»,- գրել է Վորոբյովը։

Հայաստանի խորհրդարանը երեքշաբթի կայացած նիստում վավերացրել է Միջազգային քրեական դատարանի Հռոմի ստատուտը։

«Հայ խորհրդարանականների որոշումը ոչնչացնում է կառուցողական և վստահելի հարաբերությունները, որոնք ձևավորվել են մեր ռուս-հայկական միջխորհրդարանական հանձնաժողովի աշխատանքների շրջանակում»,- եզրափակել է պատգամավորը։

Կիսվի՛ր այս նյութով՝
| |
դեպի վեր