ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+6 °C, -2 °C ... +6 °C Վաղը`+7 °C
Տարեց կնոջը հետապնդած ու կողոպուտի փորձ արած տղամարդը հայտնաբերվել է
22:36, 28.11.2023 | mamul.am
4007 | 0

Երեկ՝ նոյեմբերի 27-ին, ՀՀ ներքին գործերի նախարարության ոստիկանության Էրեբունու բաժնի քրեական հետախուզության բաժանմունքի ծառայողները ժամերի ընթացքում բացահայտել են առանձնապես ծանր հանցագործություն: Ինչպես հայտնում է ֆոտոլրագրող Գագիկ Շամշյանը, երեկ ոստիկանության Էրեբունու բաժին է դիմել Երևանի բնակիչ 74-ամյա Անթառամ Ս-ն և հայտնել, որ ժամը 12:00-ի սահմաններում Խորենացի և Օստրովսկու փողոցների խաչմերուկում իրեն անծանոթ անձը քաշելու միջոցով փորձել է բացահայտ հափշտակել իր ձեռքի պայուսակը, ապա հանցագործությունն ավարտին չհասցնելով դիմել է փախուստի: Անթառամ Ս-ին են այցելել ոստիկանության Էրեբունու բաժնի քրեական հետախուզության բաժանմունքի ծառայողները և կարճ ժամանակ զրուցելով նրա հետ արդեն օպերատիվ տվյալներով ճշտել էին ենթադրյալ գողի ինքնությունը: Ոստիկանները տաք հետքերով պարզեցին, որ կատարողը Երևանում «թրև եկող», մշտական բնակության վայր չունեցող 41-ամյա Գավրիլ Պրեյդան է: Նրան հայտնաբերել են Սասունցի Դավթի կայարանամերձ հրապարակում: Ըստ նախնական տեղեկությունների, նա պատրաստվում էր մեկնել հեռավոր մարզերից մեկը:

Տարեց կնոջը հետապնդած ու կողոպուտի փորձ արած տղամարդը հայտնաբերվել է
Կիսվի՛ր այս նյութով՝
դեպի վեր