ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
0 °C, -2 °C ... +5 °C Վաղը`+5 °C
«Թանկացնելով՝ հարցը չի լուծվի». Հովսեփ Կուբատյան
14:24, 29.11.2023 | mamul.am
1974 | 0

Երևանի ավագանու անդամ Հովսեփ Կուբատյանի ֆեյսբուքյան գրառումը. «Երևանում տեղական վճարների 2024 թվականի դրույքաչափերը սահմանելու մասին ավագանու որոշման նախագծով, որը շրջանառում է Երևանի քաղաքապետարանը (իշխող փոքրամասնությունը), նախատեսվում է վճարովի ավտոկայանատեղում (կարմիր գիծ) կայանելու համար սահմանել հետևյալ դրույքաչափերը (խոսքը Երևանի կենտրոնի մասին է).
1 ժամ - 300 դրամ
1 օր - 2000 դրամ
1 շաբաթ - 5000 դրամ
1 ամիս - 18000 դրամ
1 տարի - 160 000 դրամ:
Համաձայն հիմնավորման` 2023 թվականի համար սահմանված դրույքաչափերի նկատմամբ բարձրացված դրույքաչափերն ուղղված են Երևանի կենտրոնի բեռնաթափմանը:
Մենք այս հարցը ֆրակցիայում դեռ չենք քննարկել, բայց ես կարծում եմ, որ Երևանի կենտրոնի բեռնաթափումը համալիր գործողությունների ծրագիր է և միայն կայանումը թանկացնելով հարցը չի լուծվի: Առնվազն մարդուն պետք է այլընտրանք առաջարկել, թե ոնց նա պետք է հասնի կենտրոն: Այսօր գործող տրանսպորտը դեռ այլընտրանք չէ:
Տեսնենք, թե էլ ինչ է առաջարկում իշխող ֆրակցիան մնացած մասերով և կհայտնենք մեր դիրքորոշումը»:

Կիսվի՛ր այս նյութով՝
| |
դեպի վեր