ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+23 °C, +15 °C ... +24 °C Վաղը`+26 °C
«Հաղթանակն ու Արցախը կորցրեցինք, երբ լրտեսական ցանցերը բաժան֊բաժան արեցին ժողովրդին»․ Լևոն Զուրաբյան
15:48, 20.02.2024 | mamul.am
1789 | 0

ՀԱԿ փոխնախագահ Լևոն Զուրաբյանի ֆեյսբուքյան գրառումը․ «88-ի փետրվարին սկսած Շարժումը անպարտելի էր, որովհետև հայ ժողովուրդը ձևավորեց իր իղձերի ու ձգտումների սեփական ու միասնական օրակարգը։ Օրակարգ, որն ամբողջովին մաքուր էր օտար ազդեցություններից, դրսից թելադրվող պրոպագանդիստական կլիշեներից և այլածին ծրագրերից։ Խորհրդային հին համակարգը վարկաբեկվել էր, իսկ այլ տերությունները դեռ չէին հասցրել օգտվել ստեղծված վակուումից և իրենց թեւքերը փռել ազատության համն առնող մեր ժողովրդի վրա։
Մեր Հաղթանակի գլխավոր գաղտնիքը դա էր. զուլալ էինք, վստահ ու անմեղ, այդ անմեղ վստահությամբ և մեր իրավացիության անսահման զգացումով էինք տապալում գիշատիչ և բանսարկու փորձառու տերությունների դավադրությունները և միջամտությունները։
Հաղթանակը և Արցախը կորցրեցինք, երբ աշխարհաքաղաքական օրակարգերը, գաղափարախոսական արշավները և օտար վերնախավերի ազդեցությունները ու նրանց լրտեսական ցանցերի սարդոստայնները աստիճանաբար բաժան֊բաժան արեցին մեր ինքնաբուխ օրակարգը, և համարյա անտեսանելիորեն մեր հանրությունը մասնատվեց իրար ատող, նպատակն ու իմաստը կորցրած, գաղափարախոսական թե շահադիտական հիմքերով ձեւավորված օտարածին բանակներին հավաքագրված զանգվածների։ Նույն վիճակում է հայտնվել մեր պետական համակարգը, որը սեփական օրակարգը իրականացնողից վերածվել է բազմաթիվ օտար ուժերի՝ ձեռքից ձեռք անցնող խաղալիքի, և ուրացել հայ ժողովրդի շահերի սպասարկման իր միակ առաքելությունը։
Բայց 88-ի Խորհուրդը ողջ է, իսկ Հաղթանակի գաղտնիքը՝ նույնը։ Աստված մեզ ուժ տա նորից վերագտնել անկեղծ ու ինքնուրույն, մեր ժողովրդի հոգու խորքերից բխող իսկական պետականաստեղծ ավյունը և մի օր նորից արժանանալ 88֊ի հաղթական Շարժման ոգու փառքին»։

Աղբյուրը` Լևոն Զուրաբյան
Կիսվի՛ր այս նյութով՝
դեպի վեր