ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+17 °C, +15 °C ... +26 °C Վաղը`+26 °C
«Սկզբունքային քաղաքացիների պայքարը տվեց իր պտուղները». Գառնիկ Դանիելյան
18:18, 22.02.2024 | mamul.am
3039 | 2

ԱԺ «Հայաստան» խմբակցության պատգամավոր Գառնիկ Դանիելյանի ֆեյսբուքյան գրառումը. «ՀՀ տարածքից դուրս արտագնա աշխատանքի մեկնած ՀՀ քաղաքացիները Հայաստանում չեն հարկվի․ հայտնում է ՊԵԿ-ը։
Մշակվում է նոր նախաձեռնություն, որի համաձայն՝ ՀՀ տարածքից դուրս արտագնա աշխատանքի մեկնած ՀՀ քաղաքացիները օրենքով սահմանված ժամանակահատվածի համար չեն հարկվելու ՀՀ-ում:
Այս օրերին հնարավոր բոլոր հարթակներից բարձրաձայնեցինք ապօրինի որոշման մասին՝ փորձելով ճնշում գործադրել և ստիպել, որ հետ կանչվի որոշումը։
Իշխանությունների ստերի փուչիկը պայթեց․ չստացվեց որոշման ընդունումը կապել ո՛չ «‎նախկինների»‎, ո՛չ ԵԱՏՄ-ի հետ։
Սկզբունքային քաղաքացիների պայքարը տվեց իր պտուղները։
Սա ապացույցն է այն բանի, որ անգամ արդեն իսկ ընդունված որոշումը հնարավոր է վերանայվի, երբ շահառու խումբը պայքարում է իր իրավունքների համար։
Սա նաև ազդակ է այն բոլոր խմբերին, որոնք ևս իշխանության անարդար քաղաքականության զոհն են դարձել»։

Կիսվի՛ր այս նյութով՝
դեպի վեր