ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+23 °C, +15 °C ... +24 °C Վաղը`+26 °C
«Տարածքում շենքեր կառուցելու մասին լուրերը կեղծ են». Արմեն Գալջյան
15:48, 29.02.2024 | mamul.am
1947 | 0

Երևանի ավագանու «Քաղաքացիական պայմանագիր» խմբակցության ղեկավար Արմեն Գալջյանի գրառումը․ «Տարիներ շարունակ բողոքել և դեռ շարունակում ենք բողոքել Երևան քաղաքում զբոսայգիների և անտառների պակասից, և դրա պատճառներից մեկն էլ հենց այն է, որ շատերը համայնքապատկան տարածքները ապօրինաբար զավթել են՝ կառուցելով այնտեղ տարբեր շինություններ, իսկ հիմա, երբ վերականգնվում է մասնավորապես Նոր Նորք վարչական շրջանի անտառը, նույն այդ բողոքող շրջանակների մի մասը, քաղաքական նկատառումներից ելնելով, փորձում է խոչընդոտել այդ գործընթացին։ Երևան քաղաքի ավագանու անդամը առաջին հերթին պետք է զբաղվի քաղաքին պատկանող տարածքները քաղաքին, այսինքն ամբողջ բնակչությանը վերադարձնելու գործով, ոչ թե խրախուսի հողազավթումները: Նշված դեպքում փաստացի մեկ ընտանիք է բնակվում տվյալ վայրում, որի կեցության խնդիրը Երևանի քաղաքապետարանը պատրաստ է լուծել:
Նկարում պատկերված է այն հատվածը, որտեղ այժմ իրականացվում են քանդման աշխատանքներ և կանաչապատ գոտին ազատվում է ապօրինի կառույցներից ու ժանգոտ ցանկապատերից, իսկ այս տարածքում շենքեր կառուցելու մասին լուրերը պարզապես կեղծ են»:

Աղբյուրը` Արմեն Գալջյան
Կիսվի՛ր այս նյութով՝
դեպի վեր