ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+17 °C, +9 °C ... +20 °C Վաղը`+21 °C
Լավրովը ժամանել է Թուրքիա
10:00, 01.03.2024 | mamul.am
2601 | 0

Ռուսաստանի արտգործնախարար Սերգեյ Լավրովը ժամանել է Թուրքիա, որտեղ կմասնակցի Անթալիայի դիվանագիտական ֆորումին և բանակցություններ կվարի թուրք գործընկերոջ հետ, հաղորդում է Интерфакс-ը։
Ինչպես ավելի վաղ հայտնել է ՌԴ ԱԳՆ պաշտոնական ներկայացուցիչ Մարիա Զախարովան, Լավրովը Թուրքիա է մեկնել Թուրքիայի արտգործնախարար Հաքան Ֆիդանի հրավերով։ Այցը նախատեսված է մարտի 1-2-ին: Զախարովայի խոսքով՝ այցի ընթացքում, բացի Անթալիայի ֆորումին մասնակցելուց, նախատեսված են նաև Լավրովի բանակցությունները թուրք գործընկերոջ հետ: «Հանդիպման ընթացքում նախատեսվում է քննարկել խնդիրների լայն շրջանակ՝ երկկողմ փոխգործակցության դրությունը, հեռանկարները այն ոլորտներում, որոնք փոխադարձ հետաքրքրություն են ներկայացնում՝ առևտուր, Էներգետիկա, անվտանգություն, բանկային ոլորտ, զբոսաշրջություն և այլն»,-ասել է նա։ Բացի այդ, նախարարները կարծիքներ կփոխանակեն տարածաշրջանային և միջազգային օրակարգի հարցերի, այդ թվում՝ Ուկրաինայի, Անդրկովկասի, Մերձավոր Արևելքի, Սիրիայի և Լիբիայի իրադրության շուրջ։

Կիսվի՛ր այս նյութով՝
դեպի վեր