ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+29 °C, +19 °C ... +31 °C Վաղը`+34 °C
Թաիլանդը կօրինականացնի միասեռ ամուսնությունները
23:54, 27.03.2024 | mamul.am
3932 | 1

Թաիլանդի խորհրդարանի ստորին պալատն օրենք է ընդունել, որն օրինականացնում է միասեռ ամուսնությունները երկրում։ Այս մասին հայտնում է Reuters-ը։

Օրենքի ընդունմանը կողմ է քվեարկել 415 պատգամավորից 400-ը, նոր նորմի համաձայն` ամուսնությունը սահմանվում է` որպես երկու անձի ընկերակցություն, այլ ոչ թե կնոջ ու տղամարդու, ինչպես նախկինում էր։ Միասեռ զույգերը կստանան նույն իրավունքները, ինչ հետերոսեքսուալ զույգերը՝ հարկային արտոնություններ, ամուսնական ժառանգություն և երեխաների որդեգրում։

Օրենքն ուժի մեջ կմտնի Սենատի կողմից հաստատվելուց և թագավորի կողմից ստորագրվելուց 120 օր հետո։

Օրենքը վերջնականապես ընդունելուց հետո Թաիլանդը կդառնա աշխարհի 37-րդ երկիրը, որը թույլ կտա միասեռ ամուսնությունները։

Ասիայում միասեռ ամուսնությունները օրինականացվել են միայն Նեպալում և Թայվանում։

Կիսվի՛ր այս նյութով՝
դեպի վեր