ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+20 °C, +14 °C ... +27 °C Վաղը`+29 °C
«Նման դեպք չենք հիշում». գեներալների արձագանքը՝ Փաշինյանի՝ ՀՕՊ-ի մասին հայտարարությանը
13:18, 12.04.2024 | mamul.am
6106 | 0

ՀՀ վարչապետ Նիկոլ Փաշինյանը երեկ Ազգային ժողովի ամբիոնից հայտարարեց, թե օրենքով սահմանված է, որ մեր հրամանով համատեղ ՀՕՊ-ը պետք է միանա, բայց մեր հրամանով համատեղ ՀՕՊ-ը չի միացել։

ՀՀ ԶՈՒ գլխավոր շտաբի նախկին պետ, նախկին գլխավոր ռազմական տեսուչ, գեներալ-գնդապետ Մովսես Հակոբյանն Օրագրի հետ զրույցում, անդրադառնալով Փաշինյանի այս հայտարարությանն, ասել է. «Համատեղ ՀՕՊ համակարգը միանում է ՀՀ ղեկավարի հրամանով, հրաման տվողն ինքն է։

ՀՕՊ համակարգը կիրառվում է Հայաստանի սահմանը խախտելու դեպքում, բայց ես չեմ հիշում նման դեպք, որ հրաման տված լինի, և ՀՕՊ-ը միացրած չլինեն։

Ցանկացած ժամանակ, երբ հրաման ես տալիս` պետք է կրակեն, դա սահմանափակված չէ, որ պարտադիր ռազմական դրություն հայտարարված լինի։ ՀՕՊ համակարգը մշտական պատրաստվածության վիճակում է խաղաղ և պատերազմական իրավիճակում։ Ընդհանրապես՝ բանակի համար խաղաղ և պատերազմական շրջան գոյություն չունի զենք կիրառելու համար, զենք կիրառում են այն ժամանակ, երբ լինում է անհրաժեշտություն»։

Օրագիրը զրուցել է նաև ՀՀ ԶՈւ գլխավոր շտաբի պետի նախկին տեղակալ, գեներալ-լեյտենանտ Տիրան Խաչատրյանի հետ։ Վերջինս ևս նշել է, որ նման դեպք իրեն հայտնի չէ. «Ես նման բան չեմ հիշում, որ ինքը համատեղ կիրառման համար հրաման տված լինի ու միացրած չլինեն»։

Կիսվի՛ր այս նյութով՝
դեպի վեր