ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+14 °C, +11 °C ... +21 °C Վաղը`+25 °C
«Ո՞ւր ենք գնում` Եվրոպա՛, ո՞ւմն է Վրաստանը` մե՛րն է». հանրահավաք Թբիլիսիում
23:36, 20.04.2024 | mamul.am
2242 | 1

«Ո՞ւր ենք գնում, Եվրոպա՛: Ո՞ւմն է Վրաստանը, մե՛րն է: Ո՛չ ռուսական օրենքին»: Այս կարգախոսով երիտասարդներն այսօր կրկին հավաքվել էին Թբիլիսիի Ռուսաթավելիի պողոտայում գտնվող Խորհդարանի շենքի դիմաց: Նրանք երթով շարժվում են դեպի նախագահի նստավայր, գրում է aliq.ge-ն:

«Այսօր երիտասարդների կողմից ինքնաբուխ կազմակերպվող ակցիաների երրորդ օրն է։ «Մենք պետք է մեր ձայնը հասցնենք բոլորին»,- ասում են երթի մասնակից երիտասարդները և Վրաստանի կառավարությունից պահանջում հետ կանչել «գործակալների օրենքը»։

Երթի մասնակիցներն ասել են, որ նախատեսում են հանդիպել նախագահ Սալոմե Զուրաբիշվիլիի հետ։ Նրանց խոսքով, նախագահն ինքն է պատրաստակամություն հայտնել` հանդիպելու իրենց:

Ըստ նրանց՝ Զուրաբիշվիլիի հետ հանդիպումից հետո երթով շարժվելու են դեպի կառավարության շենք:

Formulanews լրատվամիջոցի փոխանցմամբ՝ այս պահին հանրահավաքի մասնակիցները երթով շարժվում են դեպի իշխող «Վրացական երազանք» կուսկացության կենտրոնական գրասենյակ։

Ապրիլի 15-ից Թբիլիսիում ամեն օր բողոքի ցույցեր են անցկացվում ընդդեմ «ռուսական օրենքի»։ Հանրահավաքի մասնակիցները պահանջում են կառավարությունից հետ կանչել օրենքի նախագիծը։

Կիսվի՛ր այս նյութով՝
դեպի վեր