ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+33 °C, +21 °C ... +36 °C Վաղը`+35 °C
«Ռուսաստանը չի օգտագործում «Զանգեզուրի միջանցք» տերմինը»․ Գալուզին
10:30, 15.05.2024 | mamul.am
2926 | 0

Ռուսաստանը չի օգտագործում «Զանգեզուրի միջանցք» տերմինը, հանդես է գալիս ոչ թե որևէ կոնկրետ երթուղու ստեղծման, այլ Հարավային Կովկասում տնտեսական և տրանսպորտային հաղորդակցությունների ամբողջական ապաշրջափակման օգտին։ Այս մասին ռուսական լրատվամիջոցներին տված հարցազրույցում ասել է ՌԴ փոխարտգործնախարար Միխայիլ Գալուզինը։

«Հենց դրանով է զբաղվում 2021թ․ Ռուսաստանի, Ադրբեջանի և Հայաստանի ղեկավարների որոշմամբ ստեղծված եռակողմ աշխատանքային խումբը՝ 3 երկրների փոխվարչապետների համատեղ նախագահությամբ։ Խմբի աշխատանքներն ընթացել են բնականոն հունով, զգալի հաջողություններ են գրանցվել։ 2023թ․ հունիսին 12-րդ նիստում համաձայնեցվել է ընդհանուր ըմբռնումը՝ Հայաստանի և Ադրբեջանի միջև երկաթուղային հաղորդակցության վերականգնման և կազմակերպման վերաբերյալ։ Մենք գործնականում ձեռք ենք բերել համապարփակ, հավասարակշռված պայմանավորվածություն, սակայն գործընթացը դադարեցվել է՝ ոչ մեր մեղքով։ Արևմտյան երկրների ճնշման ներքո Երևանը որոշել է սառեցնել եռակողմ փոխգործակցությունը։ Անհրաժեշտ ենք համարում խմբի լիարժեք աշխատանքի վերականգնումը՝ ոչ միայն Հարավային Կովկասում հաղորդակցությունների ապաշրջափակման, այլև տարածաշրջանում խաղաղության հաստատման համար»,- ասել է նա։

Կիսվի՛ր այս նյութով՝
դեպի վեր