ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+21 °C, +19 °C ... +34 °C Վաղը`+34 °C
19-ամյա տղան սոցցանցում թմրանյութեր է գովազդել
18:36, 23.05.2024 | mamul.am
2115 | 0

ՀՀ ՔԿ-ն հայտնում է․ «Պարզվել է, որ 19-ամյա տղան իր կողմից շահագործվող թելեգրամյան 2 ալիքների միջոցով կապ է հաստատել թմրանյութերի առցանց վաճառքով զբաղվող թելեգրամյան խանութ-հարթակի օգտատիրոջ հետ ու առաջարկել թմրանյութի գնորդներ ձեռք բերելու նպատակով գովազդել նրա էջը, ինչը հետագայում իրականացրել է սոցցանցային իր ալիքների միջոցով։
Այդ կերպ երիտասարդը խանութ-հարթակի համար հավաքել է մեծ թվով հաճախորդներ, խթանել թմրանյութերի վաճառքը, ինչի դիմաց իր անձնական օգտագործման համար ստացել է տարբեր տեսակի թմրանյութեր:
Այնուհետև, նույն խանութ-հարթակի կողմից վաճառվող թմրանյութերը գովազդելու նպատակով, տելեգրամյան իր ալիքների և դրանց զրուցարանի միջոցով կազմակերպել է խաղարկություններ, ինչի դիմաց կրկին թմրանյութեր է ձեռք բերել:
Նրան մեղադրանք է ներկայացվել, և որոշում է կայացվել՝ վերջինիս նկատմամբ կալանքը որպես խափանման միջոց ընտրելու մասին։ Երիտասարդի վերաբերյալ քրեական վարույթը դատարանում է»։

19-ամյա երիտասարդի վերաբերյալ վարույթն ուղարկվել է դատարան
Աղբյուրը` ՀՀ ՔԿ
Կիսվի՛ր այս նյութով՝
դեպի վեր