ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+27 °C, +18 °C ... +33 °C Վաղը`+31 °C
«Համակարգը հիվանդացնում է մարդուն». Կարինե Հարությունյան
06:06, 28.05.2024 | mamul.am
3342 | 0

Լրագրող Կարինե Հարությունյանի ֆեյսբուքյան գրառումը․

«Կարմիր բերետավորների մասնակցությամբ վայրագությամբ ուղեկցվող մի տեսանյութ էի դիտում:
Սիստեմը, համակարգը վաղուց գիտենք՝ ինչ է: Մտար համակարգ՝ պիտի գործես համակարգի օրենքներով: Հետո, երբ դուրս են գալիս համակարգից, քչերն են կարողանում ազատագրվել, ձերբազատվել նախկին կյանքի օրենքներից: Համակարգը հիվանդացնում է մարդուն: Այլ հարց է, թե ովքե՞ր են մտնում այդ համակարգ, ովքե՞ր ունեն առանձնահատուկ ձգտում՝ համակարգի մի տարրը դառնալու:
... 2003-ին Քոչարյանի ինաուգուրացիայի (օտար բառը մի տեսակ հեռացնում է ինձ հարազատ՝ երդում բառից. դա կեղծ երդում էր) օրը Ստանիսլավսկու թատրոնի մոտ մեծ հրմշտոց ու կռիվ էր ցուցարարների ու ոստիկանների միջեւ: Քիչ հեռու, թատրոնի պատի տակ նստած մի երիտասարդ էր լալիս...
... Կան ոստիկաններ, որոնք ամաչում են, խուսափում են կադրերում երեւալուց...
... Այսօր նաեւ տեսանյութ դիտեցի՝ մի քաղաքացիական (ենթադրում եմ ՝ աած-ական) ցուցարարի աչքերն էր, կարելի է ասել, հանում: Սա արդեն տեսակ է: Քանի՞ տոկոս է կազմում այս տեսակը մեր բռաչափ երկրի մի պտղունց հասարակության մեջ:
Դե իսկ կատարվողը շահարկող, սեփական հայեցողությամբ ու շահերով պայմանավորված համապատասխան փաթեթավորում անողներն էլ անպակաս են միշտ:
Հ.Գ. Հնարավո՞ր է համակարգը փոխել, կամ գոնե բարեփոխել: Համենայնդեպս, դրա մասին խոսակցությունները մինչեւ հիմա բառերից այն կողմ չեն անցել»։

Կիսվի՛ր այս նյութով՝
դեպի վեր