ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
0 °C, 0 °C ... 0 °C Վաղը`0 °C
Աղետի գոտու մի շարք բնակավայրերում ջրամատակարարումը վերականգնված է
18:54, 28.05.2024 | mamul.am
715 | 0

Լոռու մարզի աղետի գոտու մի շարք բնակավայրերում ջրամատակարարումը վերականգնված է: Դեբեդ գետի մակարդակը փոքր-ինչ իջնելուց հետո հենց առաջին օրվանից «Վեոլիա Ջուր» ընկերության մասնագետները օպերատիվ ու մեծածավալ աշխատանքներ են իրականացրել «Ալավերդի-Արճիս-Նոյեմբերյան» 530մմ-ոց ջրատարի վրա:

Դրա արդյունքում մարզի մի շարք բնակավայրերում նույն օրը երեկոյան ջրամատակարարումը հնարավոր է եղել վերականգնել։

Այս պահին դեռևս ջուր չկա

Ախթալա քաղաքի մի հատվածում,
Թեղուտ գյուղում (հոսանքազրկման հետևանքով),
Քարկոփ գյուղում (բնակչությունն այստեղ տարհանված է),
Ալավերդի քաղաքի Փիրուզյան թաղամասում։ Այստեղ ընկերությունը բնակիչներին ջուր է մատակարարում ջրատար մեքենաներով:
Այս պահին Վեոլիաթիմն աշխատում է գետի թռիչքային հատվածով ջրատարի վերագործարկումը կազմակերպելու ուղղությամբ։ Նաև ուսումնասիրություններ են ընթանում` ջրամատակարարման և ջրահեռացման համակարգին աղետի պատճառած վնասները գույքագրելու համար։

Կիսվի՛ր այս նյութով՝
դեպի վեր