ՄԱՄՈՒԼ.ամ
Hay / Հայ | Рус | Eng | Tür
USD 402.56, EUR 440.64, RUB 4.58, GBP 505.01
+29 °C, +19 °C ... +30 °C Վաղը`+35 °C
«Գործող իշխանությունը երկիրը հասցրել է անդառնալի կետի». Արշակ Կարապետյան
14:24, 19.06.2024 | mamul.am
1681 | 0

ՀՀ Պաշտպանության նախկին նախարար, «Համահայկական ճակատ» շարժման և կուսակցության առաջնորդ Արշակ Կարապետյանը ծրագրային ելույթ է ունեցել կուսակցության երկրորդ համագումարում (հատված). «Մենք ձեզ հետ այսօր քաջ գիտակցում ենք ոչ միայն Հայաստանի Հանրապետության ինքնիշխանությանն ու պետականությանը, այլև ողջ աշխարհասփյուռ հայությանը սպառնացող ակնհայտ վտանգը: Գործող իշխանությունն իր ոչ կոմպետենտ գործողություններով երկիրը հասցրել է անդառնալի կետի։ Պետական կառավարման համակարգի անգործությունն ու պաշտոնատար անձանց ցածր որակավորումն ընդունում է նաև Կառավարության ներկայիս ղեկավարը՝ փորձելով սեփական մեղքը բարդել ենթակաների ուսերին։ Իսկ ո՞վ է ձևավորել այդպիսի պետական ապարատ։ Եթե էֆեկտիվ միջոցներ չձեռնարկեք ստեղծված իրավիճակից դուրս գալու համար, շատ շուտով մենք տեղ չենք ունենա մեր հզոր նախնիների երկրում...
Գիտակցելով հայ ժողովրդի և ապագա սերունդների առջև անձնական պատասխանատվությունը՝ «Համահայկական ճակատ» շարժումը և կուսակցությունը կոչ են անում համախմբել բոլոր հայրենանվեր ուժերին՝ պաշտպանելու Հայաստանի ինքնիշխան իրավունքները, պահպանելու նրա տարածքային ամբողջականությունն ու պետականությունը, նրա պատմությունը, հավատքը և ազգային մշակույթը»:

Կիսվի՛ր այս նյութով՝
դեպի վեր