+31 °C, +18 °C ... +31 °C Վաղը`+34 °C
Մեղադրանքները, թե Ռուսաստանը հանձնել է Լեռնային Ղարաբաղը, սուտ են, միաժամանակ, Հարավային Կովկասում Մոսկվայի քաղաքականության մեջ ամեն ինչ չէ, որ ճիշտ էր: Այս մասին NovostiNK-ին տված հարցազրույցում ասել է ՌԴ Պետդումայի ԱՊՀ հարցերով հանձնաժողովի նախագահի առաջին տեղակալ Կոնստանտին Զատուլինը։ Նրա խոսքով՝ Ռուսաստանը ԼՂ-ի դեպքում բարդ իրավիճակում է հայտնվել։ Կողմերի և, առաջին հերթին, հայկական կողմի խնդրանքով Ղարաբաղում տեղակայելով իր խաղաղապահներին՝ Ռուսաստանը հետագայում չի ստացել մանդատ, որը թույլ կտար այդ խաղաղապահներին գործել, հավելում է Զատուլինը։ «Բացի այդ, ՀՀ վարչապետը 2022թ․ Պրահայի հայտարարությամբ ճանաչել է ԼՂ-ն Ադրբեջանի կազմում։ Կարելի է ինչ թերություն ասես գտնել ոչ միայն խաղաղապահ առաքելության, այլև ընդհանուր առմամբ Կովկասում Ռուսաստանի քաղաքական գծի իրականացման մեջ։ Ռուսաստանը շահագրգռված էր, որ ԼՂ-ի հայերն ապրեն իրենց տներում, որ ԼՂ-ն ձեռք բերի որոշակի պայմաններով անկախություն, կամ՝ եթե ոչ անկախություն, ապա գոնե այնպիսի կարգավիճակ, որը թույլ կտար այնտեղ բնակվել հայերին և հանգիստ լինել թե՛ իրենց տների, թե՛ գերեզմանների, թե՛ վանքերի համար»,- ասել է Զատուլինը։ Հիշեցնենք, որ ավելի վաղ ՀՀ ԱԽ քարտուղար Արմեն Գրիգորյանը հայտարարել էր, որ Ռուսաստանը եկել, մեր ձեռքից վերցրել է ԼՂ-ն, վերադարձրել է Ադրբեջանին: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am