«Կառավարության նիստին հերթական ընկերությանը տվեցին 52 միլիոն դրամի վարկային արտոնություն: Ես նայել եմ, արդեն այդ արտոնությունները գերազանցել են հարյուրավոր միլիոնները: Սա այն դեպքում, երբ մեր գյուղերում արդեն լուրջ խնդիրներ կան: Մտնում ենք գյուղեր, աղքատության հոտ է գալիս արդեն: Դա բնորոշ հոտ ունի, ովքեր գիտեն, հասկանում են: Շենությունը, ժպիտը, գյուղի եռուզեռը կորել է: Սա ոչ ճիշտ տնտեսական ազգակործան քաղաքականության հետևանք է: Այնինչ քանի-քանի անգամ ենք զգուշացրել, որ պատերազմական վիճակում գտնվող երկիրը պետք է ունենա պարենային անվտանգություն»,- այսօր Սուրբ Աննա եկեղեցու բակում իր խոսքի ժամանակ ասաց Գյուղատնտեսության նախկին նախարար Աշոտ Հարությունյանը: