Ուկրաինան և ևս 23 երկիր Վաշինգթոնում ՆԱՏՕ-ի գագաթնաժողովում ստորագրել են «ուկրաինական համաձայնագիրը» (Ukraine Compact)։ Տեքստը հրապարակվել է Եվրոհանձնաժողովի կայքում։

Նշվում է, որ համաձայնագիրը ստորագրել են ԱՄՆ-ի, Բելգիայի, Կանադայի, Դանիայի, Էստոնիայի, Ֆինլանդիայի, Ֆրանսիայի, Գերմանիայի, Իսլանդիայի, Իտալիայի, Ճապոնիայի, Լատվիայի, Լիտվայի, Լյուքսեմբուրգի, Նիդերլանդների, Նորվեգիայի, Լեհաստանի, Պորտուգալիայի, Իսպանիայի, Շվեդիայի և Միացյալ Թագավորության ղեկավարները՝ Եվրոխորհրդի և Եվրոհանձնաժողովի նախագահների, ինչպես նաև Ուկրաինայի նախագահի հետ միասին։ Փաստաթուղթը չեն ստորագրել Ալբանիան, Բուլղարիան, Հունգարիան, Հունաստանը, Հյուսիսային Մակեդոնիան, Ռումինիան, Սլովակիան, Թուրքիան, Խորվաթիան և Չեռնոգորիան:

Փաստաթուղթը պարտավորեցնում է պաշտպանել Ուկրաինային՝ տրամադրելով ռազմատեխնիկա, ֆինանսներ և վերապատրաստելով ուկրաինացի զինվորակններին, մինչև 2027թ․ արագացնել օգնությունն Ուկրաինայի ապագա պաշտպանական ուժերի զարգացման գործում՝ 2030-ականներին երկարաձգելու հեռանկարով: Դրա համար յուրաքանչյուր 6 ամիսը մեկ Ուկրաինայի պաշտպանության հարցերով կոնտակտային խումբը կհանդիպի նախարարների մակարդակով՝ զարգացման ճանապարհային քարտեզի վերանայման և հաստատման համար: Ներկայիս պատերազմի ավարտից հետո Ուկրաինայի վրա Ռուսաստանի նոր հարձակման դեպքում փաստաթուղթը ստորագրած երկրները պարտավորվում են ամենաբարձ մակարդակով հանդիպում անցկացնել՝ որոշելու Ուկրաինային աջակցության հետագա քայլերը։