Արագածոտնի Վարդենուտ գյուղում Նիկոլ Փաշինյանին դիմավորեցին «Մի՛ խլեք մեր հողերը» գրությամբ պաստառներով։ Գյուղացիները բողոքում են կառավարության որոշման դեմ, համաձայն որի գյուղից 110 հեկտար հողատարածք է գերակա շահ ճանաչվել։ Այն վաճառվում է ներդրումային ընկերությանը։

«Ուզում են ռեկետ անեն, Վարդենուտի հողերը խլեն ձեռներիցս»,-ասում է գյուղի բնակիչը։ «Պետությունը մեզնից վերցնում ո՞ւմ է տալիս, մենք էլ ենք ուզում այդտեղից հող առնենք, ինչի՞ մեզ չի վաճառում, 107 տնտեսության հող է ճանաչվել գերակա շահ»,-ասում են գյուղացիները։
Փաշ՛ինյանի հետ հանդիպման ժամանակ էլ ասացին, որ վարչապետը նրանց վերջին հույսն է․ «Ցավդ տանեմ, Փաշինյան, մեր վերջին հույսն եք, Վարդենուտը կկործանվի, եթե խղճիդ խայթով հարցը չլուծես»,-ասացին նրանք