+15 °C, +15 °C ... +25 °C Վաղը`+21 °C
Եվրոպատգամավորները հունիսյան ընտրություններից հետո ընդունված իրենց առաջին բանաձևում դատապարտել են Հունգարիայի վարչապետ Վիկտոր Օրբանի այցը Ռուսաստան: Այս մասին հայտնում է Եվրոխորհրդարանի կայքը։ Եվրոխորհրդարանի բանաձևում ասվում է, որ Օրբանը «կոպտորեն խախտում է ԵՄ պայմանագրերը և ընդհանուր արտաքին քաղաքականությունը»։ Եվրոպատգամավորները հայտարարել են, որ դատապարտում են Օրբանի այցը ՌԴ և կարծում են, որ նա «պետք է պատասխանատվություն կրի այդ գործողությունների համար»: Խաղաղ առաքելությունը, որի մասին հայտարարում է Օրբանը, Եվրոխորհրդարանում անօգուտ են անվանել։ Իր նոր բանաձևում Եվրոխորհրդարանը նաև կոչ է արել ԵՄ երկրներին շարունակել աջակցել Ուկրաինային «այնքան, որքան անհրաժեշտ է»: Եվրոպատգամավորները կոչ են արել ընդլայնել պատժամիջոցների քաղաքականությունը Ռուսաստանի և Բելառուսի դեմ, վերլուծել պատժամիջոցների արդյունավետությունը և պայքարել դրանցից խուսափելու դեմ: Եվրոպատգամավորները ողջունել են ՆԱՏՕ-ի վերջին գագաթնաժողովի արդյունքները և հաստատել այն դիրքորոշումը, որ Ուկրաինան դաշինքին անդամակցելու «անշրջելի ուղու» վրա է: Բանաձևն ընդունվել է 495 կողմ, 137 դեմ և 47 ձեռնպահ ձայներով: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am