Բաքուն ու Երևանը կարող են համաձայնության գալ խաղաղության պայմանագրի հիմնարար սկզբունքների շուրջ մինչև նոյեմբեր, այս մասին ասել է Ադրբեջանի նախագահի օգնական Հիքմեթ Հաջիևը։ Նրա խոսքով՝ սկզբունքների համաձայնությունը կարող է հիմք դնել երկու երկրների միջև բարիդրացիական հարաբերությունների համար։
Միաժամանակ, ադրբեջանցի պաշտոնյան կրկնել է, որ Հայաստանի սահմանադրությունը պետք է փոխվի․ «Մենք հասկանում ենք, որ Սահմանադրությունը յուրաքանչյուր երկրի ներքին խնդիրն է, բայց այն չպետք է պարունակի տարածքային պահանջներ մյուս երկրի նկատմամբ»: