+22 °C, +16 °C ... +28 °C Վաղը`+28 °C
Օրերս ՔՊ-ական մի պատգամավոր վտանգավոր համարեց այն հանգամանքը, որ Արցախի ԱԳ նախարար Դավիթ Բաբայանը, ով գտնվում է Բաքվի բանտում, այնպիսի տեղեկություններ ունի, որ եթե փոխանցի Ադրբեջանին՝ ՀՀ-ի համար վտանգավոր կլինի։ Լրագրողի այս դիտարկմանը 24-ի եթերում պատասխանեց «Արդարություն և վերադարձ» ՀԿ նախագահ Մետաքսե Հակոբյանը․ «Բաբայանը բացառիկ անձ էր, նա միակն էր, որ մշտապես ասել է, որ ՀՀ իշխանությունները որևէ կապ չունեն Արցախի իշխանությունների հետ, այդ կապն ու առնչությունը երկու անձերի մեջ է եղել՝ Արայիկ Հարությունյանի և Նիկոլ Փաշինյանի։ Բաբայանը բազմիցս ասել է, որ պատերազմից անմիջապես հետո, նույնիսկ դրան հաջորդող ժամանակահատվածում, բազմաթիվ անգամներ փորձել է կապ հաստատել ՀՀ ԱԳ նախարար Միրզոյանի հետ, ով ընդհանրապես որևէ կոնտակտի չի գնացել։ Ես առաջարկում եմ Միրզոյանին փորփրել հեռախոսը և գտնել բաց թողնված նամակները։ Բաբայանը բազմաթիվ անգամ ասել է, որ փորձում է կապ հաստատել՝ ճշտելու, թե ինչ է կատարվում Արցախի շուրջ, բայց, իր ասելով, ոչ մի անգամ չի հաջողվել խոսել Միրզոյանի հետ։ Արցախի պաշտոնյաները, եթե անգամ կարողացել են էստեղ որևէ մեկի հետ կապ հաստատել, դա եղել է միայն անձնական կապերի միջոցով»,-ասել է Հակոբյանը։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am