Հնդկաստանը վերջին մի քանի տարում զգալիորեն ավելացրել է պաշտպանական ծախսերը՝ աստիճանաբար զենք ներմուծողի կարգավիճակից անցնելով արտահանողի կարգավիճակի՝ տեղ զբաղեցնելով 25 լավագույնների ցուցակում։ Այս մասին ասվում է Հնդկաստանի խորհրդարանում ներկայացված տնտեսական ակնարկում, որը պատրաստել է երկրի ֆինանսների նախարարությունը։

Նշվում է, որ Հնդկաստանի պաշտպանական արտադրությունը զգալիորեն աճել է՝ 2017 ֆինանսական տարում 740 մլրդ ռուփիից (8,8 մլրդ դոլար) հասնելով 2023 ֆինանսական տարում մինչև 1 տրիլիոն ռուփիի (գրեթե 12 մլրդ դոլար)։