Մոսկվայի Եվրոպայի հրապարակը վերանվանվել է Եվրասիայի հրապարակ, այս հրամանագիրն ստորագրել է Մոսկվայի քաղաքապետ Սերգեյ Սոբյանինը։ Հրապարակը գտնվում է Կիևսկի երկաթուղային կայարանի մոտ։

Եվրոպայի հրապարակը կառուցվել է 2002 թվականին՝ որպես մայրցամաքի միասնության խորհրդանիշ, այն Ռուսաստանի և Բելգիայի ընդհանուր նախագիծն էր։ Նման հուշարձաններ են կանգնեցվել աշխարհի այլ երկրներում։ Հրապարակի կենտրոնում տեղադրվել են բելգիացի քանդակագործ Օլիվյե Շտրեբելի «Եվրոպայի բռնաբարությունը» ավանգարդ հուշարձանը և «Ռուսաստանի և Ուկրաինայի վերամիավորման 300-ամյակին» նվիրված հուշարձան։ Մոտակայքում նախկինում կար 48 սյուն՝ եվրոպական երկրների դրոշներով։