Միլիարդավոր մարդիկ ամբողջ աշխարհում բախվում են ծայրահեղ շոգի «համաճարակի», վերջին օրերին ամբողջ աշխարհում միջին օրական ջերմաստիճանի ռեկորդներ են սահմանվում: Այս մասին հայտարարել է ՄԱԿ-ի գլխավոր քարտուղար Անտոնիո Գուտերեշը, փոխանցում է Reuters-ը:

ԵՄ՝ կլիմայի փոփոխության ծառայությունն (Copernicus) անցած կիրակի՝ հուլիսի 21-ը, հայտարարել է դիտարկումների պատմության մեջ ամենաշոգ օրը:

«Դրանից հետո ջերմաստիճանը շարունակել է բարձրանալ հուլիսի 22-ին և 23-ին: Այլ կերպ ասած, անցած կիրակի, երկուշաբթի և երեքշաբթի օրերը դիտարկումների պատմության մեջ 3 ամենաշոգ օրերն էին: Երկիրն ավելի ու ավելի է տաքանում և վտանգավոր դառնում բոլորի համար: Միլիարդավոր մարդիկ բախվում են ծայրահեղ շոգի համաճարակի»,- ասել է Գուտերեշը: