Ուկրաինան Նիդեռլանդներից առաջին վեց F-16 կործանիչն է ստացել, այս մասին հաղորդում է The Times-ը։
Հրապարակման մեջ ասվում է, որ մոտ ժամանակներում Ուկրաինան նաև Դանիայից F-16 կործանիչների խմբաքանակ կստանա։
Ըստ Times-ի՝ հաջորդ տարվա ընթացքում Ուկրաինան կստանա մոտ 20 F-16 կործանիչ, այդ թվում՝ Բելգիայից և Նորվեգիայից։
Եվրոպական այս չորս երկրները խոստացել են Ուկրաինայի զինված ուժերին ընդհանուր առմամբ տրամադրել մոտ 80 կործանիչ, սակայն դրանցից շատերը կօգտագործվեն պահեստամասերի համար, նշում է հրատարակությունը։

Ուկրաինայի ռազմաօդային ուժերը հրաժարվել են մեկնաբանել ինքնաթիռների մատակարարման վերաբերյալ լուրը։

Ավելի վաղ բրիտանական Daily Telegraph-ը հայտնել էր, որ F-16-ներն արդեն մարտական ​​թռիչքներ են իրականացրել Ուկրաինայում և օգտագործվել են հակաօդային պաշտպանության համար։