Օգոստոսի 4-ին, ժամը 12:58-ին Արմավիրի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ հրդեհ է բռնկվել Էջմիածին քաղաքում գործող ռեստորաններից մեկի տանիքում:

Դեպքի վայր են մեկնել ՆԳՆ ՓԾ Երևան քաղաքի և մարզային փրկարարական վարչությունների հրշեջ-փրկարարական ջոկատներից չորս մարտական հաշվարկ:
Հրդեհը մեկուսացվել է ժամը 13:26-ին, մարվել՝ 13:50-ին: Այրվել են տանիքից մոտ 70 քմ հատվածը և դահլիճի փայտե պատը (մոտ 10 քմ):