+12 °C, +12 °C ... +23 °C Վաղը`+22 °C
Երևանի քաղաքացիական դատարանը՝ ՔՊ-ական նախկին մարզպետ, այժմ պատգամավոր Տրդատ Սարգսյանի հայցն՝ ընդդեմ իրավապաշտպան Ավետիք Իշխանյանի, որոշել է մերժել: ՔՊ-ական Տրդատ Սարգսյանը պահանջում էր, որպեսզի Ավետիք Իշխանյանը հերքի, իբրև զրպարտություն պարունակող տվյալները: Տրդատ Սարգսյանը նաև պատճառված նյութական վնասի փոխհատուցում էր պահանջում։ Ավետիք Իշխանյանի շահերի ներկայացուցիչ, փաստաբան Զարուհի Նախշքարյանն «Առավոտ»-ի հետ զրույցում ասել է, որ դեռ չի հասցրել ծանոթանալ որոշման մանրամասներին, ուստի, ավելի ուշ կանդրադառնա դրանց, բայց անչափ ուրախ է նման որոշման համար, որն արտացոլում է իրականությունը: «Հայցի երկու դրվագներով էլ դատավորը գտել է, որ Ավետիք Իշխանյանը գնահատողական դատողություններ է արել, ոչ թե զրպարտության և հերքման առարկա փաստեր է ներկայացրել, որի սահմանադրական իրավունքն ունի յուրաքանչյուր ոք»,- ասել է Զարուհի Նախշքարյանը: Հայցը վերաբերվում է անցյալ տարվա հուլիսի 27-ին Ավետիք Իշխանյանի կատարած գրառման հետևյալ հատվածին․ «Այսօր մահացավ 2019թ․ ՔՊ-ականների կողմից դաժան ծեծի ենթարկված և չորս տարի կոմայի մեջ տառապող փոխգնդապետ Արա Մխիթարյանը։ Արա Մխիթարյանը ՔՊ-ական ռեժիմի առաջին զոհերից էր։ Եվ ոչ մի ընդվզում, բողոք։ Փոխգնդապետի ծեծի ու մահվան պատասխանատու ՔՊ-ական մարզպետն այժմ ԱԺ պատգամավոր է և վայելում է նույնպես ՔՊ-ական ցոփ ու շվայտ կյանքը»։ Մանրամասները՝ սկզբնաղբյուրում։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am