Արցախի «Արդարություն» կուսակցության համանախագահ Հակոբ Հակոբյանը 168TV-ի եթերում կարծիք է հայտնել, որ խաղաղության պայմանագրի պայմանների, կետերի վրա ՀՀ իշխանությունները մեծ դերակատարություն չունեն․ «Այն պայմանագիրը, որն արդեն երկար ժամանակ պարտադրվում է ՀՀ-ին, խաղաղության հետ կապ չունեցող ինչ-որ փաստաթուղթ է և դժվար թե կյանքի կոչվի: Ադրբեջանի իշխանությունները, լավ հասկանալով, թե ՀՀ ներկայիս իշխանություններին ինչքան է անհրաժեշտ այդ պայմանագիր կոչվածը, ուղղակի շահարկում են և ամեն անգամ տարատեսակ պահանջներով ու պատճառներով հետաձգում ստորագրումը»,- ասել է նա։ Հակոբյանի խոսքով՝ Ադրբեջանը չի պատրաստվում գնալ որևէ զիջման։