Արդյունավետ զրույց եմ ունեցել Ֆրանսիայի պաշտպանության նախարար Սեբաստիեն Լըքորնյուի հետ։ Այս մասին X-ում գրել է Ուկրաինայի պաշտպանության նախարար Ռուստեմ Ումերովը։

«Քննարկել ենք շփման գծում տիրող իրավիճակը։ Փարիզին խնդրել եմ վերացնել հակառակորդի տարածքում ռազմական թիրախները խոցելու համար ստացված սպառազինությունը կիրառելու արգելքը»,- ասել է Ումերովը։

Մայիսի վերջին Ֆրանսիայի նախագահ Էմանուել Մակրոնը հայտարարել էր, որ Կիևին պետք է թույլ տալ «վերացնել» ռուսական ռազմական օբյեկտները, որտեղից հրթիռներ են արձակվում Ուկրաինայի ուղղությամբ, միաժամանակ, Մակրոնն արգելել էր ֆրանսիական զենքը կիրառել ռուսական քաղաքացիական օբյեկտների դեմ։