Վաշինգթոնը չի մասնակցել ՌԴ Կուրսկի մարզի վրա Ուկրաինայի զինված ուժերի հարձակման նախապատրաստմանը։ Այս մասին ճեպազրույցի ժամանակ հայտարարել է Սպիտակ տան խոսնակ Քարին Ժան Պիեռը:

«Ես այլևս ասելիք չունեմ։ Մենք որևէ ձևով մասնակցություն չենք ունեցել այդ հարձակման պլանավորմանը»,- ասել է նա։

Այն մասին, որ Կիևը նախապես չի զգուշացրել Վաշինգթոնին գործողության նախապատրաստման մասին, ասել է նաև Փենթագոնի խոսնակ Փաթրիք Ռայդերը։ Բացի այդ, նա նշել է, որ Կուրսկում ամերիկյան զենքի կիրառմամբ հարվածները համապատասխանում են ԱՄՆ քաղաքականությանը: