Կառավարության նիստից հետո լրագրողները ՊԵԿ նախագահից պարզաբանումներ են խնդրել աղմկահարույց նախագծի վերաբերյալ, որի մասին բարձրաձայնում է գործարար Վահրամ Միրաքյանը: «Քրեական օրենսգրքում կարգավորում կա, որը չի համարվում լավ պրակտիկա, ասում է՝ եթե հարկային հանցագործությունը կբացահայտվի, կբերես, բացահայտի մասով գումարը կվերականգես ու կազատվես քրեական պատասխանատվությունից: Իմ կարծիքով՝ այս հոդվածի պատճառով մրցակցային իրավիճակը խաթարված է: Օրինակ, նույն շուկայում գործում են երկու տնտեսվարող սուբյեկտ, մեկը գործում է լրիվ կարգապահ, վճարում բոլոր հարկերը, մյուսը՝ խուսափում հարկերից: Ինչ-որ պահի ՊԵԿ-ը հայտնաբերում է, հայտնաբերում իրավախախտման մի մասը, ապացուցում դրանից է՛լ ավելի փոքր մասն ու տնտեսվարողն ասում է՝ շատ լավ, բերեմ վճարեմ, ազատվեմ քրեական պատասխանատվությունից: Որքանո՞վ է սա արդար կարգապահ հարկ վճարողի նկատմամբ»: Մանրամասները՝ տեսանյութում: