0 °C, 0 °C ... 0 °C Վաղը`0 °C
Telegram-ի հիմնադիր Պավել Դուրովին ձերբակալել են Փարիզի Լե Բուրժե օդանավակայանում, հաղորդում է ֆրանսիական TF-1 հեռուստաալիքը։ Ֆրանսիայի օդային տրանսպորտի ժանդարմերիայի աշխատակիցները Դուրովին ձերբակալել են Ադրբեջանից ժամանած մասնավոր ինքնաթիռի թեքահարթակից իջնելուց անմիջապես հետո։ Դուրովի նկատմամբ Ֆրանսիայի Ազգային դատական ոստիկանության դեպարտամենտը որոշում է կայացրել։ Նա կալանքի տակ կառնվի։ Օրդերը տրվել է այն պատճառով, որ Դուրովը չի համագործակցել Ֆրանսիայի անվտանգության ուժերի հետ, նշում է TF1-ը։ Ֆրանսիայի իշխանությունները նրան դիտարկում են` որպես թմրամիջոցների ապօրինի շրջանառության և այլ ծանր հանցագործությունների պոտենցիալ հանցակից: Այս մեղադրանքներով Դուրովին կարող է սպառնալ 20 տարվա ազատազրկում։ Նա «անպայման» կձերբակալվի, ասել է TF1 աղբյուրը. «Նա թույլ է տվել, որ իր հարթակում տեղի ունենան անհամար իրավախախտումներ և հանցագործություններ՝ առանց որևէ բան անելու այն մեղմելու կամ [իրավապահ մարմինների հետ] համագործակցելու համար»: |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am