Քաղաքական վերլուծաբան Վահրամ Աթանեսյանի ֆեյսբուքյան գրառումը․ «Հայաստանում հանրային քիչ թե շատ ճանաչելիություն ունեցող գործիչները հիմնականում տառապում են օրիգինալ երևալու քրոնիկ հիվանդությամբ: Եւ որովհետև չկան ինստիտուցիոնալ վերլուծաբանական կենտրոններ, և քաղաքագիտական մտքի պրոդուկտը հիմնականում ծառայում է այս կամ այն ուժին, ուստի «վարակը» փոխանցվում է փորձագետներին, մամուլին, սոցիալական մեդիային: Հայաստանը չունի աշխարհաքաղաքական, ռազմական, տնտեսական, տեխնոլոգիական, կոմունիկացիոն և այլ բնագավառներում իրավիճակի կոնսենսուսային գնահատում, ուստի և՝ հեռանկարի հիմնավորված պատկերացում: Տասը հայից ինը դեռ հավատում է, որ եթե Տիգրան Մեծը Պոնտոսի Միհրդատ թագավորին ապաստան չտար, ապա մենք կմնայինք, կլինեինք ծովից-ծով իմպերիա»։