Ինչպես հայտնել էինք, «Հրազդան ՋԷԿ»-ին պատկանող ձուլարանում երեկ ուժգին պայթյուն է տեղի ունեցել, որի հետևանքով մեկ մարդ մահացել է, հինգը՝ մարմնական վնասվածքներով տեղափոխվել են Հրազդանի բժշկական կենտրոն։
«ԱրմԼուր»-ը հայտնում է, որ տուժածներից մեկի վիճակը ծայրահեղ ծանր է, մյուսներինը՝ միջին ծանրության։
«Տուժածներից երկուսն իմ հարազատներն են, եղբորս որդու ականջը չի լսում, ոտքն է ջարդված, չեն թողնում մտնենք, տեսնենք՝ ոնց են»,- պատմում է տուժածների հարազատը: «Դեպքի մանրամասները չգիտեմ, բայց սաղին ըտեղ պետք ա դատեն էթա»,- ասում է նա՝ մանրամասնելով, որ անվտանգության միջոցները պահպանված չեն եղել։ Նրա խոսքով՝ պայթյունից մահացածը Վանատուր գյուղից է, երեք փոքր երեխա ունի։