+12 °C, +12 °C ... +27 °C Վաղը`+28 °C
Ֆրանսիայի «ՀՅԴ նոր սերունդ» երիտասարդական միության Կենտրոնական վարչության ատենապետ Նժդեհ Գարագավորյանի մուտքը հայրենիք շարունակում է արգելված մնալ: «ՀՅԴ Բյուրոյի անդամ Մուրադ Փափազյանի դեպքը միակն էր, որ մուտքի արգելքը վերացվեց։ Այդ փաստն առաջ է բերում մի իրականություն, ըստ որի՝ ամեն բան որոշվում է Նիկոլ Փաշինյանի կաբինետում: Փափազյանի Հայաստան վերադարձի միակ պատճառը նախագահ Մակրոնի հստակ միջամտումն է եղել. այստեղ մի ընթրիքի ժամանակ պարզ բացահայտվել է, որ Նիկոլն է այս բոլորի հետևում»,- 168TV-ի եթերում ասել է Գարագավորյանը։ Ինչ վերաբերում է իրեն, դատարանը վարույթ է ընդունել իր հայցը, դատը նախատեսված է եկող տարի։ Հիշեցնենք՝ Նժդեհ Գարագավորյանի՝ Հայաստանի համար անցանկալի անձ համարվելու մասին նախորդ տարի ահազանգել էր ՀՅԴ Բյուրոյի երիտասարդական գրասենյակը․ «Այս գործելաոճը ևս մեկ անգամ փաստում է ՀՀ ներկա իշխանությունների հակահայ դիրքավորումը, որը ջանում է բոլոր հնարավոր միջոցներով և մակարդակներով կասեցնել և խոչընդոտել ՀՅԴ երիտասարդական համաշխարհային կառույցի աշխատանքը»,- նշված էր տեքստում։ |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am