ԿԳՄՍ նախարար Ժաննա Անդրեասյանի գրառումը․ «Վերջին մեկ ամսում երեք անգամ տարբեր առիթներով Վայոց ձորում էի։ Ամեն անգամ՝ տարբեր վայրերում։ Ու ամեն այցից հետո ավելի ակնհայտ է, որ դեռ այնքան բան կա տեսնելու ու ճանաչելու։ Մենք մեր երկիրը գրեթե չենք ճանաչում։ Դասական երթուղիներից դուրս այնքան բան կա տեսնելու, լսելու, իմանալու, բացահայտելու։
Դե իսկ երեկվա այցից ամենաուրախացնող տեսարանը Հայաստանի ազգային պատկերասրահի Եղեգնաձորի մասնաճյուղի մուտքի մոտ պատկերասրահ մտնելու իրենց հերթին սպասող երեխաների ձգվող շարքն էր»։