«Անընդհատ թելադրվող, պարտադրվող գաղափարը՝ մեզ հեռացնելու մեր տնից, մեզ դարձնելու թափառական ինչ-որ մի խումբ, չի կարող տիրապետող լինել մեր կյանքում։ Այս շիրիմներն են արգելում դա»,-ասաց Բագրատ Սրբազանը «Եռաբլուր»-ում։ «Չի կարող մի ամբողջական ժողովուրդ տեր չկանգնել ո՛չ իր իրավուքնին, ո՛չ իր պայքարին, ո՛չ իր սխրանքին, ո՛չ էլ իր հերոսներին։ Հետևաբար մեզ համար ուխտ և երդում պիտի լինի ու դառնա՝ առանց վախենալու, մեր պատիվն ու տունը վերականգնել։ Սա այսօրվա պատգամն ու ուղերձն է»,-նշեց Սրբազանը։