«Վերջին շրջանում հոսանքի անջատումներն այնքան շատ էին ու անբացատրելի, որ մեր հասարակության մոտ կասկածներ կային, թե գուցե քաղաքական պատճառներ կան։ Դուք այս տարբերակը, սակայն, բացառեցիք»,-ԱԺ-ում հոսանքազրկումների վերաբերյալ հրավիրված քննարկման ժամանակ ասաց ՔՊ-ական պատգամավոր Անդրանիկ Քոչարյանը՝ դիմելով հանրային ծառայությունները կարգավորող հանձնաժողովի նախագահ Գարեգին Բաղրամյանին։ Պատգամավորը նաև հետաքրքվեց, թե ի՞նչ գնով է ձեռք բերվել ՀԷՑ-ը․ «Լավ կլիներ, որ քննարկմանը ներկա լիներ նաև ՀԷՑ-ի սեփականատերը։ Հետաքրքիր է, արդյո՞ք տիրապետում եք այն տեղեկատվությանը, թե
ի՞նչ գնով է սեփականատերը ձեռք բերել բաշխիչ ցանցը։ Ինչի՞ դիմաց է նախկինում ՀԷՑ-ն անցել Սամվել Կարապետյանին իբրև միանձնյա սեփականություն»,-Քոչարյանը հարցն ուղղեց Գարեգին Բաղրամյանին։ Սպառիչ պատասխան չստանալով՝ պատգամավորն ասաց․ «Սեփականատիրոջից ճշտեք, թե ինչ գնով է ձեռք բերել և մեր մեր հաջորդ հանդիպումներից մեկում ներկայացրեք։ Ես գիտեմ, թե ինչ գնով է»։