+19 °C, +18 °C ... +25 °C Վաղը`+26 °C
ԱԺ նախկին պատգամավոր, «Հայոց համազգային միասնություն» նորաստեղծ կուսակցության հիմնադիր Միհրան Պողոսյանը «Մեդիահաբ»-ին տված հարցազրույցում նշել է, որ իր կուսակցությունը գրասենյակներ է բացել նաև Հայաստանում: Նա հավաստիացրել է, որ այդ կուսակցությանը միացել են անգամ ՔՊ-ի անդամներ: Միհրան Պողոսյանն անդրադարձել է նաև կոկաինի սկանդալային պատմությանը. «2, 3 օր առաջ ինձ ուղարկեցին տեսանյութ, որտեղ վարչախմբի ղեկավարը մեղադրում է և անվանական իմ անունն է տալիս և նշում, որ տվյալ անձը ներմուծել է ՀՀ կոկաին։ Երկրի վարչապետը ԱԺ-ի ամբիոնից խոսում է ընդդիմադիրի կեցվածքով։ Դուք պետք է որպես այսօրվա իշխանություն այնպես անեիք, որ ՀՀ տարածք կոկաին չմտներ, ո՞նց կարելիա է 1 տոննա կոկաին մտնի ՀՀ-ի տարածք և համապատասխան պետական մարմինները դա չկանխեն։ Ավելին, ընդդիմադիր ճամբարի ներկայացուցիչը, տվյալ դեպքում ես, անձնապես զանգում եմ գործող ԱԱԾ ղեկավարին` կարևորելով և ասելով, որ դա ազգային անվտանգության խնդիր է և հանձնարարում եմ համապատասխան մարդկանց տանել և հանձնել այդ կոկաինը։ Եվ մենք տեսնում ենք դրա կարևորությունը և անվտանգության աստիճանը, դրա համար ենք անում այդ գործառույթները` որպես իրավապահ քաղաքացի։ Եվ մենք այսօր ունենք այն, որ երկրի ղեկավարը մեղադրում է ընդդիմադիր ճամբարի ներկայացուցչին, այլ ոչ թե իր պետական ապարատի կառույցի ղեկավարներին, որ դա մտել է երկրի տարածք։ Բա ու՞ր էիք, տիրություն անեիք, որ չմտներ, մաքսայինը ինչո՞վ էր զբաղված, ԱԱԾ-ն ինչո՞վ էր զբաղված։ Եվ այդ տեսնայութը կա, փաստերը կան, անհրաժեշտության դեպքում ես դա կհրապարակեմ։ Իմ աշխատակիցներն են տարել հանձնել և դա եղել է 1 տոննայից ավելի։ Այսօր փաստաթղթերի մեջ 730 կգ է։ Շատ հետաքրքիր է, ինչ եղավ այն 270 կգ կոկաինը։ Դա թողնում եմ իրավապահ մարմիններին, որ իրենք հասկանան։ 3 անձ մի տարի կալանավորված է, որից հետո գործը կասեցվել է, հարցումներ են անում և առ այսօր կասեցման մեջ է գործը, դատարան չեն ուղարկում, դատարան ուղարկեն, իրենք լավ հասկանում են, որ ոչ մի մեղադրանք հիմնավորում չեն կարողանում փաստել։ Այս ամենը խոսում է դրա մասին, որ իրենք ոչ մի բան չեն կարողանում այս հարցի շուրջ ապացուցել»: |
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am