0 °C, 0 °C ... 0 °C Վաղը`0 °C
ԱՄՆ նախագահ Ջո Բայդենը հեռախոսազրույց է ունեցել Իսրայելի վարչապետ Բենյամին Նեթանյահուի հետ։ Սպիտակ տան խոսնակ Քարին Ժան-Պիեռը հայտնել է, որ նրանք քննարկել են Իսրայելի հնարավոր պատասխանը Իրանին։ Բայդենը նշել է, որ Իսրայելի պատասխանը պետք է համաչափ լինի։ Կողմերը քննարկել են նաև դիվանագիտական ջանքերի վերսկսման անհրաժեշտությունը։ «Նախագահը հաստատել է Իսրայելի իրավունքը՝ պաշտպանելու իր քաղաքացիներին «Հեզբոլլահ»-ից, որը միայն անցած տարվա ընթացքում հազարավոր հրթիռներ է արձակել Իսրայելի տարածքի ուղղությամբ», - ասվում է Սպիտակ տան հայտարարության մեջ։ Միևնույն ժամանակ Բայդենն ընդգծել է, որ անհրաժեշտ է նվազագույնի հասցնել քաղաքացիական բնակչությանը հասցվող վնասը, մասնավորապես՝ Բեյրութի խիտ բնակեցված շրջաններում։ ԱՄՆ նախագահը նաև շեշտել է հակամարտությունը դիվանագիտական ճանապարհով լուծելու կարևորությունը: Ըստ հաղորդագրության՝ կողմերը նաև քննարկել են ՀԱՄԱՍ-ի կողմից պահվող պատանդներին ազատ արձակելուն ուղղված դիվանագիտական ջանքերի հրատապ անհրաժեշտությանը վերաբերող հարցեր։ Անդրադարձել են Գազայի հատվածում հումանիտար իրավիճակին և դեպի հյուսիս մուտքի հնարավորությանը, այդ թվում՝ Հորդանանից միջանցքի անհապաղ վերականգնման միջոցով։ |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am