ՀՀ ԱԺ պաշտպանության և անվտանգության հարցերի մշտական հանձնաժողովի նախաձեռնությամբ հրավիրվել են խորհրդարանական լսումներ «Հայաստանի Հանրապետությունում 2019-2024թթ. ընթացքում հանցավորության վիճակի, կառուցվածքի, դինամիկայի, հաշվառման, բացահայտման հետ կապված հարցերն ու հիմնախնդիրները, բարեփոխումների իրական արդյունքներ» թեմայով:

«Ինչո՞ւ է դահլիճը կիսադատարկ»,- դիմելով հանձնաժողովի նախագահ Անդրանիկ Քոչարյանին՝ հետաքրքրվեց «Հայաստան» խմբակցության պատգամավոր Ագնեսա Խամոյանը,- ուժային բլոկի ներկայացուցիչներն այստեղ են, ԱԱԾ պետն է այստեղ, Քննչականի ղեկավարը, ՆԳ նախարարը, Գլխավոր դատախազը, Ոստիկանության ներկայացուցիչները, «Քաղաքացիական պայմանագիր» խմբակցության պատգամավորները որտե՞ղ են: Դուք ասացիք, որ հրավերներ են ուղարկվել ՀԿ սեկտորի ներկայացուցիչներին, բայց այստեղ մեկ ներկայացուցիչ կարծես կա: Ո՞ւմ է ուղարկվել հրավեր և ովքե՞ր չեն ընդունել: Ես ձեր փոխարեն վիրավորվում եմ»:
Անդրանիկ Քոչարյանն արձագանքեց. «Բացականեր կան ինչպես աջ, այնպես էլ ձախ կողմում. հարց է՝ ո՞ւր են մեր պատգամավորները, բոլորը պատշաճ տեղեկացված են, քաղհասարակությունն էլ, երևի ուշ են արթնացել կմոտենան, փիլիսոփայորեն մոտեցեք»: