0 °C, 0 °C ... 0 °C Վաղը`0 °C
ԱՄՆ-ի Վաշինգթոն նահանգում 15-ամյա դեռահասը հոր «Գլոկ» ատրճանակից գնդակահարել է իր ընտանիքը: Դեպքը տեղի է ունեցել հոկտեմբերի 21-ին: Ողբերգության զոհ է դարձել ողջ ընտանիքը` ծնողներն ու 3 երեխաները` բացառությամբ 11-ամյա քրոջ, ով մահից խուսափելու համար մահացած է ձևացել, հայտնում է Daily Mail-ը։  Գնդակահարված ընտանիքը` տարիներ առաջ: Կանաչ վերնազգեստով հանցագործն է, կարմիրով` ողջ մնացած քույրը Աղջիկն արթնացել է կրակոցներից ու տեսել, թե ինչպես է եղբայրը սառնասրտորեն սպանում ծնողներին ու եղբայրներին։ Երբ հանցագործը կրակել է նաև 11-ամյա քրոջ վրա, վերջինը, չնայած ստացած վիրավորումին, իրեն մահացած է ձևացրել։ Համոզվելով, որ իր զոհերը «մահացած են»՝ դեռահասը դուրս է եկել սենյակից, որից հետո աղջիկը կարողացել է հրդեհային պատուհանից փախչել հարևանների մոտ։  Գնդակահարված ընտանիքի հայրն ու մայրը Ավելի ուշ հանցագործը զանգահարել է 911՝ սպանությունների մեջ մեղադրելով իր կրտսեր եղբորը, սակայն քրեագետները պարզել են, որ հանցանքը հենց ինքն է բեմադրել՝ զենքը թողնելով սպանվածի ձեռքին։ Տեղի բնակիչները դեռահասին բնութագրել են` որպես բարի և ընկերասեր՝ նշելով նրա դրական ազդեցությունը համայնքում: Շարժառիթը կարող էր լինել վերջերս դպրոցական քննությունների ձախողումը։  15-ամյա դեռահասն, ով գնդակահարել է իր ընտանիքը Դեռահասին մեղադրանք է առաջադրվել 5 սպանության և մեկ սպանության փորձի համար։ Դատախազները պահանջում են մեծահասակների դատավարություն, որը կարող է նրան դատապարտել 25 տարուց մինչև ցմահ ազատազրկման: |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am