Մեդիափորձագետ Արթուր Պապյանի ֆեյսբուքյան գրառումը․ «ԱՄՆ նախագահի ընտրություններին ընդառաջ ականատես ենք լինում ապատեղեկատվություն տարածելու նպատակով Արհեստական բանականության և Deep Fake տեխնոլոգիաների կիրառման նոր փորձարկումների։ Հոկտեմբերի 24֊ին, օրինակ, սոցցանցերում տարածվել է տեսանյութ, որի մեջ երևում է, թե ինչպես են մեթոդաբար ոչնչացվում փոստային քվեարկության միջոցով Դոնալդ Թրամփի օգտին տրված ձայները։ «Ռոյթերզը» փաստերի ստուգում է իրականացրել, և պնդում է, որ սա ֆեյք է, բայց տեսանյութը, որի հղումը կտեղադրեմ առաջին մեկնաբանությունում, ուղղակի ապշեցուցիչ որակ ունի»։