Քաղաքագետ Արա Պողոսյանի ֆեյսբուքյան գրառումը՝ կից լուսանկարով․ «Բնածին առաջնորդը, ստանձնելով առաջնորդություն, այդ պահից սկսած ո'չ միայն ներկայի, այլ նաև անցյալի և ապագայի համար է վերցնում պատասխանատվություն։
Իրական առաջնորդը երբեք չի խոսում իր նախկինների չարածների կամ սխալների մասին օտարների առաջ, այլ վերցնում և պաշտպանում է այնպես, ինչպես եթե հենց ինքը արած լիներ այդ սխալները։
Իրական առաջնորդը երբեք չի արդարանում, այլ լուռ ուղղում է այն, ինչը սխալ է, իրական առաջնորդը երբեք իր սխալները չի վերագրում այլոց, իրական առաջնորդը իր վրա է վերցնում նաև իր ենթակաների սխալների պատասխանատվությունը, որովհետև նա, հենց նա է պատասխանատուն իր պատասխանատվության գոտում կատարվող ամենի։
Իրական առաջնորդը երբեք չի հանձնվում, այլ քայլում է դեպի իր նպատակը` օգտագործելով հնարավոր բոլոր միջոցները»։