0 °C, 0 °C ... 0 °C Վաղը`0 °C
Աֆղանստանը գլխավորող «Թալիբան» շարժումը կմասնակցի ՄԱԿ-ի կլիմայական գագաթնաժողովին, որն այս տարի կանցկացվի Ադրբեջանում։ Այցը տեղի կունենա առաջին անգամ այն օրից ի վեր, երբ շարժումը 2021 թվականին իշխանությունը զավթեց Աֆղանստանում։ «Հյուրընկալ երկիրը՝ Ադրբեջանը, հրավիրել է Աֆղանստանի շրջակա միջավայրի պաշտպանության գործակալության պաշտոնյաներին COP 29-ին` որպես դիտորդներ՝ թույլ տալով նրանց «պոտենցիալ մասնակցել քննարկումներին և երկկողմ հանդիպումներ անցկացնել», հաղորդում է Reuters-ը՝ վկայակոչելով Աֆղանստանի ԱԳՆ-ի խոսնակ Աբդուլ Քահար Բալխին: Բալխին հավելել է, որ Աֆղանստանի շրջակա միջավայրի պահպանության գործակալության ներկայացուցիչները հրավիրվել են մասնակցելու` որպես դիտորդներ։ Այնուամենայնիվ, ՄԱԿ-ը դեռևս չի ճանաչում թալիբներին` որպես Աֆղանստանի պաշտոնական կառավարություն՝ թալիբների կողմից կանանց նկատմամբ կիրառվող սահմանափակումների պատճառով։ Այս փաստը նրանց զրկում է Գլխավոր ասամբլեայում տեղ զբաղեցնելուց։ 2021 թվականին թալիբներն արգելել են կանանց պաշտոններ զբաղեցնել կառավարությունում։ Միաժամանակ, երկիրը վերացրեց Կանանց հարցերի նախարարությունը և դրա փոխարեն ստեղծեց Առաքինության քարոզչության և արատավորության կանխարգելման նախարարություն: 2022 թվականի վերջին թալիբները կանանց արգելեցին բարձրագույն կրթություն ստանալ։ Այս տարվա սեպտեմբերի վերջին Կանադան, Ավստրալիան, Նիդեռլանդները և Գերմանիան հայց են ներկայացրել ընդդեմ թալիբների Հաագայի միջազգային դատարան։ Երկրները մեղադրում են թալիբներին կանանց նկատմամբ խտրականության մեջ։ Այնուամենայնիվ, արդեն նոյեմբերին թալիբների նախարարներից մեկը աֆղան կանանց զրկեց Ղուրանը բարձրաձայն կարդալու և այլ կանանց հետ «հրապարակային» խոսելու հնարավորությունից։ Թալիբները կարծում են, որ կանայք չպետք է լսեն միմյանց ձայնը։ |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am