0 °C, 0 °C ... 0 °C Վաղը`0 °C
«Երկրի վարչապետի ընտանիքի անդամները ևս ենթակա են պետական պաշտպանության տակ գտնվելու: Եթե դա մեր քաղաքական դաշտում ոմանց մտահոգում է, ապա նախ և առաջ պետք չէր վարչապետի ընտանիքի անդամներին դարձնել թիրախի, ատելության խոսքի, ատելության սերմանման առարկա»,- ԱԺ պաշտպանության և անվտանգության հարցերի մշտական հանձնաժողովի նիստում նշեց «Քաղաքացիական պայմանագիր» խմբակցության պատգամավոր Վահագն Ալեքսանյանը և, արձագանքելով «Հայաստան» խմբակցության պատգամավոր Գեղամ Մանուկյանի արտահայտած այն մտքին, որ 30-ից ավելի ՊՊԾ ծառայող է ապահովել Աննա Հակոբյանի անվտանգությունը՝ բարեգործական ընթրիքի ժամանակ, ընդգծեց. «Այո՛, մասնավոր ընթրիք է կազմակերպվել՝ բարեգործական նպատակներով, որի ամբողջ շահույթը ուղղվելու է բարեգործությանը, և պետական պահպանության ծառայությունը պարտավոր է ապահովի էնտեղ ներկա գտնվող վարչապետի ընտանիքի անդամի անվտանգությունը»: Ալեքսանյանի խոսքով՝ ծառայության որակը, ծառայողների թե՛ մտավոր, թե՛ հոգեբանական պատրաստվածությունը բարձր մակարդակի վրա է: «2000-ականներին դեպք եղավ՝ նախագահի թիկնազորի անդամները զուգարանում մարդ սպանեցին: Ակնհայտ է, որ դրանից հետո հստակ փոփոխություններ են տեղի ունեցել, և որևիցե մեկի քմահաճույքով ծառայության անդամները զուգարաններում մարդ չեն սպանում»,- ասաց Ալեքսանյանը: |
Բաժանորդագրվել լրահոսին
ՄԱՄՈՒԼ.ամ - Նորություններ Հայաստանից, Արցախից (Լեռնային Ղարաբաղ) և աշխարհից
Նյութերի հրապարակումն առանց խմբագրության գրավոր թույլտվության արգելվում է:
Կայքի նյութերի մասնակի/ամբողջական հեռուստառադիոընթերցումն առանց ՄԱՄՈՒԼ.ամ-ին հղման արգելվում է:
Գովազդների բովանդակության համար կայքը պատասխանատվություն չի կրում:
Հասցե` Հայաստանի Հանրապետություն, ք. Երևան, Չարենցի 1:
Հեռ.` +374 (10) 55-20-59
Էլ. փոստ` info@mamul.am
Հեռ.` +374 (91) 99-22-02
Էլ. փոստ` marketing@mamul.am